Örnefnaskrá og sögur

Skreflufjall (39) heitir fjallið ofan við Spena (nær norður í Árneshrepp) allt að lægðum, sem Saurá kemur upp í. (Guðrún S. Magnúsdóttir, Kaldbakur (Strandasýsla, Kaldrananeshreppur), bls. 3)

Fjallið upp af Kaldbakslandi nefnist Skreflufjall (83) (Matthías Helgason, Kaldbakur (Strandasýsla, Kaldrananeshreppur), bls. 2)

Efstu fjöll að Bæjargili: 52 Skreflufjall (Símon Jóh. Ágústsson, Kaldbakur (Strandasýsla, Kaldrananeshreppur), bls. 2)

Landamerkin liggja þannig: […] sjónhending til fjalls, sem er Skreflufjall (3), sama sem Kolbeinsvíkurfjall (4). Í daglegu tali var það oftast nefnt Skreflufjall en stundum Kolbeinsvíkurfjall. […] Í Kolbeinsvíkurfjalli átti til forna að hafa átt heima tröllkona ásamt tveimur sonum sínum. (Ingi Guðmonsson, Kolbeinsvík (Strandasýsla, Árneshreppur), bls. 1)

Landamerki jarðarinnar eru að sunnan stærri Spenaþúfa í sjónhending frá fjöru til Skreflufjalls. […] Í Kolbeinsvíkurfjalli bjó skessa ein með tveimur börnum sínum. […] Væri góðviðri og sólskin sem oft var, þá gekk sólin undir kl. fjögur á daginn á bak við Skreflufjallið og sást ekki fyrr en að morgni (Ingi Guðmonsson, Kolbeinsvík (Strandasýsla, Árneshreppur), bls. 98, bls. 99–100, bls. 103)

Takmörk Kaldrananeshrepps eru að norðan við svokallaðan Spena, sem er hæðarbálkur, er gengur fram úr Skreflufjalli á milli Kolbeinsvíkur, innsta bæ í Árneshreppi, og Kaldbaks, nyrzta bæ í Kaldrananeshreppi (Matthías Helgason, Örnefni í Kaldrananeshreppi í Strandasýslu (Strandasýsla, Kaldrananeshreppur), bls. 1)

Í Skreflufjalli ofan við bæinn bjó tröllkerling með tveimur börnum sínum […] Sunnan dalsins og ofan bæjarins er Kolbeinsvíkurfjall (776 m) hátt og hömrum girt og víða ókleift. Fjallið breytir um nafn og nefnist Skreflufjall ofan við Skreflur sem eru sunnan undir Spenanum; sunnan úr Kaldbaksvík séð heitir það Kaldbakur. (Haukur Jóhannesson, Stundir á Ströndum. Frá Kolbeinsvík norður á Geirhólm, bls. 10, bls. 11)

Milli Veiðileysufjarðar og Kaldbaksvíkur eru tveir háir fjallhnúkar, sem heita Kolbeinsvíkurfjall og Skreflufjall, báðir nær 800 m. yfir sjó. Sennilega hefir það verið hæsti hnúkurinn á Skreflufjalli, sem Önundur nefndi Kaldbak í kviðlingnum, sem hann kastaði fram, er hann sigldi undir landið og sá snjókrýnt fjallið gnæfa yfir ströndinni: Hefk lönd ok fjöld frænda / flýt, en hitt er nýjast: / Kröpp eru kaup, ef hreppik / Kaldbak, en læt akra. Skreflufjall er þriðji hæsti hnúkur á Ströndum; hinir eru Drangajökull og Háafell suður af Kjós. (Pétur Jónsson frá Stökkum, Strandamannabók, bls. 40)

Fiskimið

Hnúáll er þegar Skreflufjall í Kaldbak er samjaðra við Strútinn í Kaldbak og Hóllinn í skarðinu (Jóhannes Jónsson, „Nokkur fiskimið á vestanverðum Húnaflóa“, bls. 96)

Hnú[f]áll (12). Þvermiðið var, þegar Miðaftanshögg var komið undan Skreflufjalli (Guðrún S. Magnúsdóttir, Mið frá Gjögri (Strandasýsla, Árnes- og Kaldrananeshreppur), bls. 2)